ABŞ Prezidenti Donald Tramp İranın “Project Freedom” çərçivəsində gəmi hərəkəti ilə bağlı bir sıra neytral ölkələrə qarşı atəş açdığını bildirib. O, bu ölkələr arasında Cənubi Koreyaya məxsus yük gəmisinin də olduğunu qeyd edib.
Redaksiya Trampın Truth Social paylaşımına istinadla xəbər verir ki, ABŞ lideri Cənubi Koreyanı Hörmüz boğazındakı missiyaya qoşulmağa çağırıb. Trampın sözlərinə görə, İranın hücumları gəmiçilik təhlükəsizliyi üçün risk yaradır və Vaşinqton bu keçidin açıq qalmasında israrlıdır.
Tramp bildirib ki, ABŞ qüvvələri İranın yeddi kiçik katerini vurub. O, bu katerləri İranın “sürətli qayıqları” kimi təqdim etdiyini, lakin artıq Tehranın əlində çox az imkan qaldığını iddia edib.
ABŞ prezidentinin sözlərinə görə, Cənubi Koreya gəmisindən başqa, hazırkı anda Hörmüz boğazından keçən gəmilərə ciddi zərər dəyməyib. Tramp əlavə edib ki, ABŞ müdafiə naziri Pit Heqset və Birləşmiş Qərargah Rəisləri Komitəsinin sədri Den Keyn sabah səhər məsələ ilə bağlı mətbuat konfransı keçirəcəklər.