Bu gün 1071-ci il Malazgird döyüşündə Səlcuq hökmdarı Sultan Alp Arslanın qazandığı qələbənin 955-ci ildönümüdür.
Redaksiya xəbər verir ki, Malazgird zəfəri Anadolunun siyasi və etnik tarixində dönüş nöqtələrindən biri hesab olunur və türklərin bölgədə möhkəmlənməsi prosesini sürətləndirən mühüm hadisə kimi qiymətləndirilir.
Bizans ordusu üzərində qazanılan qələbədən sonra Anadoluda türk-səlcuq təsiri sürətlə genişlənib. Sultan Alp Arslan isə hərbi istedadı, siyasi uzaqgörənliyi və döyüşdəki liderliyi ilə türk tarixinin ən mühüm hökmdarlarından biri kimi yadda qalıb.
Malazgird zəfərinin ildönümündə Sultan Alp Arslan və onun ordusu ehtiramla yad edilir, bu qələbənin Anadolunun gələcək siyasi xəritəsinin formalaşmasındakı rolu xatırlanır.