İstanbulda havadakı orta kükürd-dioksid səviyyəsi 2016–2025-ci illər arasında 24 faiz azalıb. Bu nəticə İstanbul Texniki Universitetinin alimləri tərəfindən aparılan araşdırmada müəyyən edilib.
Redaksiya xəbər verir ki, şəhərdə bir kubmetr havaya düşən orta kükürd-dioksid miqdarı 2016-cı ildə 5,4 mikroqram olduğu halda, 2025-ci ildə 4,1 mikroqrama enib.
Araşdırmaçılar göstəricidəki azalmanı yanacaq keyfiyyətinin yaxşılaşdırılması, daha təmiz enerji mənbələrindən istifadənin genişlənməsi və sənaye emissiyalarına nəzarətin gücləndirilməsi ilə əlaqələndirirlər.
Kükürd-dioksid əsasən kömür və neft məhsullarının yandırılması zamanı yaranır. Bu qazın yüksək konsentrasiyası tənəffüs yollarına mənfi təsir göstərə və şəhərlərdə hava keyfiyyətini pisləşdirə bilər.