Türkiyə Milli Kəşfiyyat Təşkilatının rəhbəri İbrahim Kalın İstanbulda HƏMAS Siyasi Bürosunun rəhbəri Xəlil əl-Həyyə ilə görüşüb. Danışıqlarda Qəzza üzrə sülh planının ikinci mərhələsinə keçid prosesi və bölgədəki son vəziyyət müzakirə olunub.
Redaksiya xəbər verir ki, tərəflər planın növbəti mərhələsinin icrası üçün tələb olunan siyasi və təhlükəsizlik addımlarını nəzərdən keçiriblər. Görüş zamanı atəşkəs mexanizmləri və humanitar yardımın Qəzzaya çatdırılması məsələlərinə də toxunulduğu bildirilir.
Danışıqlarda İsrailin Qəzzaya qarşı hücumlarının artması ilə bağlı narahatlıq ifadə olunub. Tərəflər hərbi əməliyyatların davam etməsinin sülh planının icrasını çətinləşdirə biləcəyini qeyd ediblər.
Görüşün nəticələri və tərəflər arasında əldə olunan mümkün razılaşmalar barədə əlavə məlumat açıqlanmayıb.