Somalinin Puntland bölgəsində, Garmaal sahilləri yaxınlığında həyata keçirilən hava zərbəsi nəticəsində dörd nəfər ölüb, iki nəfər isə yaralanıb. Hadisənin Türkiyəyə məxsus hərbi avadanlıq daşıyan LUTUF yük gəmisinin quldurlar tərəfindən ələ keçirilməsindən sonra baş verdiyi bildirilir. Bu barədə Associated Press məlumat yayıb.
Redaksiya istinadla xəbər verir ki, Puntland administrasiyası hücumu pisləyərək ölən dörd nəfərin mülki balıqçılar olduğunu açıqlayıb.
Bununla belə, hava zərbəsini kimin həyata keçirdiyi müstəqil şəkildə təsdiqlənməyib. Eyni zamanda ölən şəxslərin həqiqətən mülki balıqçılar, yoxsa quldurlar olması barədə də yekun təsdiqlənmiş məlumat yoxdur.
Hadisə LUTUF gəmisinin ələ keçirilməsi fonunda Somali sahillərində təhlükəsizlik vəziyyətini daha da gərginləşdirib. Hücumun məsuliyyətini indiyədək heç bir tərəf rəsmi şəkildə üzərinə götürməyib.