Politico nəşrinə verdiyi geniş müsahibədə ABŞ prezidenti Donald Tramp Rusiya və Ukrayna ilə bağlı mövcud danışıqlar balansını dəyərləndirib və Moskvanın hazırda daha güclü mövqedə olduğunu bildirib. O qeyd edib ki, Ukraynanın NATO-ya qəbulunun əvvəldən real gündəmdə olmayıb.
Redaksiya xəbər verir ki, ABŞ prezidenti Donald Tramp müsahibəsində Rusiya ilə müqayisədə Ukraynanın danışıqlar mövqeyinin zəif olduğunu vurğulayıb və Krım məsələsinə ayrıca toxunub. O, Krımın dörd tərəfdən dənizlə əhatələndiyini, geniş əraziyə malik olduğunu və Ukrayna ilə yalnız dar bir sahil körpüsü vasitəsilə bağlandığını bildirib.
Tramp müsahibədə qeyd edib ki, Ukraynanın NATO üzvlüyü məsələsi “Putindən çox əvvəl” reallıqdan uzaq olub. O, Vladimir Zelenski ilə Vladimir Putin arasında ilk görüşü xatırladaraq Zelenskinin tələblərini Kobud tonda ifadə etdiyini iddia edib və bunun danışıqlara təsir etdiyini söyləyib.
ABŞ prezidenti Donald Tramp həmçinin Venesuela lideri Nikolas Maduronun “günlərinin sayıldığını” bildirib və Avropanın Ukraynaya dəstək strategiyasına istehzalı münasibət göstərib. O, Avropa ölkələrinin “təslim olmadıqları müddətdə” Kiyevi dəstəkləmək niyyətini ironik şəkildə şərh edib.