Almaniyanın müdafiə sənayesi şirkəti Rheinmetall FV-014 kamikadze dron sisteminin sınaq görüntülərini yayımlayıb. Yeni sistem uzaq məsafədə yerləşən hədəflərə qarşı kütləvi buraxılış imkanları üçün hazırlanıb.
Redaksiya xəbər verir ki, FV-014 kamikadze dronlarının uçuş məsafəsi 100 kilometrədəkdir. Sistem bir neçə dronun qısa müddət ərzində ardıcıl və ya eyni vaxtda buraxılmasına imkan verir.
Dronlar konteyner tipli CML buraxıcı qurğudan istifadə etməklə havaya qaldırılır. Məlumata görə, bir buraxıcı qurğu 18 FV-014 dronunu daşıya bilir.
Belə konfiqurasiya sistemə eyni hədəfə və ya müxtəlif hədəflərə qarşı çoxsaylı dronlarla hücum təşkil etmək imkanı verir. Rheinmetall sınaq görüntülərində sistemin buraxılış və uçuş imkanlarını nümayiş etdirib.