Pakistanın Baş naziri Şahbaz Şərif Məkkə sazişini Yaxın Şərq və İslam dünyası üçün mühüm sülh təşəbbüsü kimi qiymətləndirib. O, razılaşmanın regionda sabitlik və təhlükəsizlik baxımından əhəmiyyət daşıdığını bildirib.
Redaksiya xəbər verir ki, Şahbaz Şərif sazişi Yaxın Şərq üçün sülh mesajı, İslam dünyası üçün ümid işığı və bütün dünyaya ünvanlanan sülh çağırışı adlandırıb.
Pakistan lideri razılaşmanın yalnız onu imzalayan ölkələr üçün deyil, daha geniş region üçün də siyasi və təhlükəsizlik baxımından müsbət nəticələr verə biləcəyini vurğulayıb.
Şərifin açıqlaması Məkkə sazişinin regional əməkdaşlıq və qarşılıqlı təhlükəsizlik mexanizmlərinin gücləndirilməsi istiqamətində mühüm addım kimi təqdim edildiyi bir vaxtda səslənib.