İtaliyanın Baş naziri Corca Meloni müdafiə xərclərinin artırılmasının ölkənin azadlığı və suverenliyi üçün vacib olduğunu bildirib.
Redaksiya xəbər verir ki, Meloni təhlükəsizliyini başqalarından gözləyən dövlətlərin bunun əvəzini müstəqillik, suverenlik və milli maraqlarla ödəyə biləcəyini deyib.
“Əgər özünüzü necə müdafiə edəcəyinizi bilmirsinizsə və təhlükəsizliyinizi başqalarının təmin etməsini gözləyirsinizsə, bunun bədəlini müstəqilliyiniz, suverenliyiniz və milli maraqlarınızla ödəyəcəksiniz”, — deyə Meloni bildirib.
İtaliya lideri müdafiə xərclərini “azadlığın qiyməti” adlandırıb.
“Mən İtaliyanın azad ölkə olmasını istəyirəm”, — deyə Meloni əlavə edib.
Açıqlama NATO ölkələrinin müdafiə xərclərini artırması, Avropanın ABŞ-dan təhlükəsizlik asılılığını azaltması və Ukrayna müharibəsi fonunda yeni təhlükəsizlik arxitekturasının müzakirə edildiyi dövrə təsadüf edir.