Kanye Uestin Sankt-Peterburqda keçirilməsi planlaşdırılan konsertinin hazırda rəsmi şəkildə ləğv edilmədiyi bildirilir. Tədbirin təşkilatçısı Say Agency yaranmış vəziyyətlə bağlı Qazprom Arena ilə əlaqə saxlamağa çalışdığını açıqlayıb.
Redaksiya xəbər verir ki, Say Agency-nin baş direktoru Anna Subçeva konsertin keçirilməsi üçün Qazprom Arena ilə icarə müqaviləsinin hələ imzalanmadığını bildirib. Onun sözlərinə görə, müqavilə həftəsonu təşkilatçıya göndərilib və sənəd avqustun 27-dək imzalanmalıdır.
Subçeva müqavilənin hazırda onların əlində olduğunu və Qazprom Arena ilə korporativ elektron poçt ünvanları üzərindən rəsmi yazışmaların aparıldığını deyib.
Bununla yanaşı, Qazprom Arena daha əvvəl oktyabrın 10-u və 11-nə planlaşdırılan Kanye Uest konsertinin arenada keçirilməyəcəyini açıqlayıb. Amerikalı reperin çıxışı ilə bağlı elan da arenanın saytından silinib.
Say Agency isə tədbirin yalnız təşkilatçının rəsmi açıqlamasından sonra ləğv edilmiş hesab oluna biləcəyini vurğulayır. Şirkət arena ilə yaranmış anlaşılmazlığın səbəbini müəyyənləşdirməyə və məsələni həll etməyə çalışdığını bildirib.