ABŞ prezidenti Donald Tramp İranın neft ticarətinin mərkəzi hesab edilən Xark Adası vasitəsilə Tehran rəhbərliyini hədələməkdə davam etdiyini bildirib. O, eyni zamanda Tehran rəhbərliyi ilə “ciddi görüşmələr” apardığını iddia edir.
Redaksiya BBC-yə istinadən xəbər verir ki, ABŞ prezidenti Donald Tramp sosial media paylaşımında əgər Hörmüz boğazı açılmazsa, İranın enerji infrastrukturunu və dəniz suyunun təmizlənməsi üçün qurğularını bombalamaqla hədələdiyini qeyd edib. Hüquqşünaslar bildirir ki, təmizləmə qurğusu kimi mülki infrastrukturaya yönələn hücum müharibə cinayəti kimi qiymətləndirilə bilər.
Redaksiya məlumat verir ki, Ağ Ev sözçüsü Karoline Leavitt 30 mart tarixində keçirilən mətbuat konfransında bu mövzu ilə bağlı verilən sualı cavablandırarkən ABŞ ordusunun “hər zaman hüquq sərhədləri daxilində hərəkət edəcəyini” söyləyib. İran isə Ağ Evin təqdim etdiyi 15 maddəlik plana hələ rəsmi şəkildə cavab verməyib.
ABŞ prezidenti Donald Tramp İranı öz şərtlərini qəbul etmədiyi halda Xark Adası kimi hədələrlə təzyiq altında saxlamağa çalışdığını vurğulayıb. Adadakı İran müdafiəsinin olub-olmaması soruşulduqda ABŞ prezidenti Donald Tramp “Məncə onların heç bir müdafiəsi yoxdur. Biz [həmin adanı] çox asanlıqla ələ keçirə bilərik” deyə bildirib.