ABŞ-ın Ankaradakı səfiri və Suriya ilə İraq üzrə xüsusi nümayəndəsi Tom Barrak Suriyada son iki ildə baş verən dəyişiklikləri yüksək qiymətləndirib.
Redaksiya xəbər verir ki, Barrak Yaxın Şərqin tarixində Suriyada son iki il ərzində yaşanan proseslərin bu şəkildə inkişaf edəcəyini əvvəllər heç kimin təsəvvür edə bilməyəcəyini bildirib.
ABŞ diplomatı Suriyada gedən prosesdə iştirak edən tərəflərlə bağlı qürur hissi keçirdiyini deyib. O, ölkənin gələcəyi və mövcud siyasi proseslərin nəticələri ilə bağlı ümidli olduğunu vurğulayıb.
Barrak daha əvvəl də Suriyada sabitliyin təmin olunması, regional əməkdaşlığın gücləndirilməsi və ölkənin yenidən beynəlxalq sistemə inteqrasiyası istiqamətində diplomatik səylərin davam etdirilməsinin vacibliyini qeyd edib.