ABŞ Rusiyanı dekabrda Mayamidə keçiriləcək G20 sammitinə dəvət edib. Vaşinqton Rusiya Prezidenti Vladimir Putinin toplantıda iştirak edəcəyinə ümid etdiyini bildirir.
Redaksiya xəbər verir ki, ABŞ dövlət katibi Marko Rubio Putinin sammitə qatılacağı təqdirdə bunun Prezident Donald Trampla yeni görüş üçün imkan yarada biləcəyini deyib. Onun sözlərinə görə, konkret məqsədi olan növbəti yüksək səviyyəli görüş faydalı ola bilər.
ABŞ tərəfi Rusiyanın G20 toplantısına dəvət edildiyini daha əvvəl də təsdiqləyib. Moskva dəvəti qəbul etsə də, Kremlin sentyabr ayında verdiyi açıqlamalara əsasən, Putinin şəxsən Mayamiyə gedib-getməyəcəyi barədə yekun qərar hələ verilməyib.
G20 sammitində Putinin iştirakı baş tutarsa, bu, Rusiya liderinin uzun fasilədən sonra toplantıya şəxsən qatılması və Trampla Ukrayna müharibəsi də daxil olmaqla əsas beynəlxalq məsələləri birbaşa müzakirə etməsi üçün yeni imkan yarada bilər.