ABŞ Dövlət Departamenti Norveçə 21 ədəd UH-60M Black Hawk helikopterinin və əlaqəli avadanlıqların mümkün satışını təsdiqləyib. Paketinin ümumi dəyərinin təxminən 2,3 milyard dollar olduğu bildirilir.
Redaksiya xəbər verir ki, satış paketinə helikopterlərlə yanaşı ümumilikdə 46 mühərrik, raket hücumu barədə xəbərdarlıq və əks-tədbir sistemləri, rabitə və naviqasiya avadanlıqları daxildir.
Paketə həmçinin pulemyotlar, xilasetmə vasitələri, soyuq hava şəraitində istifadə üçün xüsusi avadanlıqlar və şəxsi heyətin hazırlanması üzrə təlim xidmətləri daxil edilib.
Satışın Norveçin hərbi nəqliyyat, axtarış-xilasetmə və digər əməliyyat imkanlarını gücləndirməsi nəzərdə tutulur. Dövlət Departamentinin təsdiqi mümkün satış prosesinin əsas mərhələlərindən biridir və yekun müqavilənin məbləği ilə tərkibi sonrakı danışıqlarda dəyişə bilər.