Ukrayna Prezidenti Volodimir Zelenski Rusiyanın Ukraynaya qarşı apardığı müharibənin başa çatmalı olduğunu bildirib.
Redaksiya xəbər verir ki, Zelenskinin sözlərinə görə, hazırda ABŞ Prezidenti Donald Tramp və Vaşinqton administrasiyası ilə dialoq davam edir. Tərəflər müharibənin dayandırılması və sülh prosesinin irəlilədilməsi üçün müxtəlif variantları müzakirə edirlər.
Ukrayna lideri bildirib ki, müzakirə olunan təkliflər arasında gərginliyin ciddi şəkildə azaldılmasına yönəlmiş addımlar da var. Onun sözlərinə görə, belə tədbirlər sülhü yaxınlaşdırmaq üçün əsas vasitələrdən biri ola bilər.
Zelenski vurğulayıb ki, Kiyev müharibənin sona çatdırılması üçün diplomatik təmasları davam etdirməyə və konkret deeskalasiya mexanizmlərini nəzərdən keçirməyə hazırdır.