Ukrayna Prezidenti Vladimir Zelenski, Rusiya Prezidenti Vladimir Putinlə yalnız ölkəsinə veriləcək təhlükəsizlik təminatları dəqiq təsbit olunacağı halda görüşəcəyini açıqlayıb.
Redaksiya xəbər verir ki, Zelenski mümkün danışıqların keçiriləcəyi yer kimi Türkiyə, İsveçrə və ya Avstriyanı nəzərdə tutduğunu bildirib.
Ukrayna lideri qeyd edib ki, təminatlar olmadan keçiriləcək hər hansı görüş nəticəsiz qalacaq və ölkəsinin təhlükəsizlik maraqlarına xidmət etməyəcək. Onun sözlərinə görə, bu zəmanətlər Ukraynanın gələcək müstəqilliyini möhkəmləndirməli, yeni təhdidlərin qarşısını almalıdır.
Beləliklə, Zelenskinin açıqlaması göstərir ki, Kiyev rəhbərliyi mümkün Putin-Zelenski danışıqlarını real hüquqi təminatların əldə edilməsindən asılı olaraq dəyərləndirir.
Sevinc Kərimova