Yunanıstanın baş naziri Kiriakos Miçotakis İsrailə müraciət edərək xəbərdarlıq edib ki, iki dövlətli həll yolunu mümkünsüz edən istiqamətdə israr etsələr, bütün müttəfiqlərini itirmək riski ilə üzləşəcəklər. O, İsrailin regionda sülhün qorunması üçün məsuliyyət daşıdığını vurğulayıb.
Redaksiya xəbər verir ki, Miçotakis çıxışında həmçinin Türkiyə ilə bağlı mövqeyini açıqlayıb. O bildirib ki, Yunanıstan Türkiyə ilə barış şəraitində yanaşı yaşamaq istəyir və regionda sabitliyin yalnız dialoq və əməkdaşlıqla mümkün ola biləcəyini düşünür.
Yunanıstan baş nazirinin sözlərinə görə, bölgədə davamlı sülhün təmin olunması üçün bütün tərəflərin ortaq məsuliyyət daşıması vacibdir.