Yunanıstanlı professor Sotiris Serbos Türkiyənin Qərb üçün sabitlik baxımından getdikcə daha vacib tərəfdaşa çevrildiyini bildirib.
Redaksiya xəbər verir ki, Serbosun sözlərinə görə, Türkiyə Prezidenti Rəcəb Tayyib Ərdoğan həm Vaşinqton, həm də Avropa paytaxtları ilə birbaşa təmaslar qurur və Ankara regional məsələlərdə təsir imkanlarını genişləndirir.
Professor bildirib ki, Yunanıstan hazırkı şəraitdə Türkiyəyə şərt diktə edə biləcək mövqedə deyil. Onun fikrincə, Afinanın Ankara ilə münasibətlərdə sərt və dəyişməz mövqe saxlaması Yunanıstanın diplomatik imkanlarını məhdudlaşdıra bilər.
Serbos əlavə edib ki, Yunanıstan siyasətini daha çevik qurmasa, gələcək regional razılaşmaların şərtlərini Afina deyil, digər aktorlar müəyyən edə bilər.