2026-cı il aprelin 1-dən etibarən Türkiyədə mobil operatorlar 5G xidmətinə keçəcək. Bu, ölkənin rəqəmsal transformasiyasında yeni mərhələnin başlanğıcı kimi qiymətləndirilir və istifadəçilərə daha yüksək sürət, daha az gecikmə və daha sabit bağlantı imkanı yaradacaq.
Redaksiya xəbər verir ki, Türkiyənin nəqliyyat naziri Abdulkadir Uraloğlu 5G-nin istifadəyə verilməsini “yeni bir rəqəmsal dövrün başlanğıcı” adlandırıb. Onun sözlərinə görə, internet sürəti 10 dəfə artacaq və sistemdə yerli istehsal tələbi ən azı 60 faiz olacaq.
Yeni texnologiyanın tətbiqi ilə “ağıllı şəhərlər”, “sürücüsüz nəqliyyat” və “sənaye 4.0” kimi sahələrdə böyük irəliləyişlərin baş verəcəyi gözlənilir. Bu addım Türkiyəni regionun ən inkişaf etmiş rəqəmsal infrastruktur mərkəzlərindən birinə çevirəcək.