CNN-in məlumatına görə, ABŞ prezidenti Donald Tramp və Ukrayna prezidenti Volodimir Zelenski arasında Ağ Evdə keçirilən görüş gərgin, lakin səmimi müzakirə şəraitində keçib.
Redaksiya xəbər verir ki, mənbələr görüşü “gərgin, açıq və bəzən narahat edici müzakirə” kimi xarakterizə ediblər. Bildirilib ki, Tramp Zelenskiyə Vaşinqtonun hələlik Ukraynaya uzaqmənzilli raketlər vermək niyyətində olmadığını açıq şəkildə bildirib.
Mənbələrə görə, görüş gözlənilmədən 2,5 saatdan sonra başa çatıb, – bu barədə “Axios” məlumat yayıb. Məlumata əsasən, Tramp görüşün sonunda Zelenskiyə Budapeştdə Vladimir Putinlə keçiriləcək planlaşdırılan görüşü xatırladıb və Ukrayna böhranının diplomatik yolla həllinin vacibliyini vurğulayıb.