Çin Prezidenti Si Tsinpin üçgünlük dövlət səfəri çərçivəsində ABŞ-a gəlib. Onu Merilend ştatındakı Endryus Birgə Bazasında ABŞ Prezidenti Donald Tramp və birinci xanım Melaniya Tramp qarşılayıblar. Bu barədə Reuters agentliyi məlumat yayıb.
Redaksiya istinadla xəbər verir ki, Si Tsinpinin səfəri ABŞ və Çin arasında ticarət, təhlükəsizlik, texnologiya və digər strateji məsələlər üzrə yüksək səviyyəli danışıqları əhatə edir. Çin liderinin səfəri zamanı Tramp ilə geniş tərkibli görüşlərin keçirilməsi planlaşdırılır.
Qarşılama mərasimi zamanı Tramp və Si Tsinpin aerodromda yanaşı dayanarkən ABŞ Hərbi Hava Qüvvələrinə məxsus iki B-1 strateji bombardmançı təyyarəsi onların üzərindən aşağı hündürlükdə uçub. Aerodromda həmçinin F-22 və F-16 qırıcı təyyarələri nümayiş etdirilib.
Bununla belə, Si Tsinpin BMT Baş Assambleyasının 81-ci sessiyasında iştirak etmək üçün ABŞ-a gəlməyib. Çin həmin toplantıda vitse-prezident Han Çjen tərəfindən təmsil olunur. Si Tsinpinin səfərinin əsas məqsədi Vaşinqtonda ABŞ rəhbərliyi ilə ikitərəfli danışıqlar aparmaqdır.