ABŞ Prezidenti Donald Tramp Kanadanı onilliklərdir ABŞ-dən iqtisadi baxımdan faydalanmaqda ittiham edib və Ottavanın amerikalı fermerlərə son dərəcə yüksək tariflər tətbiq etdiyini bildirib.
Redaksiya xəbər verir ki, Tramp Kanadanın bəzi kənd təsərrüfatı məhsullarına 400 faizlik tarif tətbiq etdiyini iddia edib. O, həmçinin Kanadanın siyasətinin bir sıra iri ABŞ şirkətlərinin müflisləşməsinə səbəb olduğunu deyib.
ABŞ Prezidenti Gulfstream təyyarələrinin Kanadada 10 il ərzində sertifikatlaşdırılmadığını və yalnız onun müdaxiləsindən sonra prosesin irəlilədiyini bildirib. Tramp bunun Kanada istehsalçısına bazarda üstünlük vermək məqsədi daşıdığını iddia edib.
Tramp Kanada ilə danışıqları digər ölkələrlə müqayisədə daha çətin və əsassız adlandırıb. Onun sözlərinə görə, Ottawa özünü müəyyən imtiyazlara haqqı çatan tərəf kimi aparır, lakin Kanada ABŞ ştatı deyil və bundan sonra da ştat kimi münasibət görməyəcək.