ABŞ prezidenti Donald Tramp İsrailin bölgədəki son hərbi addımlarını tənqid edib.
Redaksiya xəbər verir ki, mətbuata verdiyi açıqlamada bildirib: “İsraildən məmnun deyiləm. Dünən lazım olandan artıq cavab verdilər, bu, zəruri deyildi.”
Tramp əlavə edib ki, İsrail bu gün də hərbi təyyarələrini yenidən yükləyib: “Sadəcə atəşkəs saatından sonra atılan və heç yerə dəyməyən bir raketə görə bu qədər təşviş yaratmaq düzgün deyil. Mən bunu bəyənmirəm.”
ABŞ prezidenti bildirib ki, İsrail rəhbərliyi vəziyyəti sakitləşdirməlidir: “Onlar sakitləşməlidirlər.”