Keçən ilin sonunda atılan sürpriz bir addımla Android telefonlar və iPhone-lar arasında "Quick Share – AirDrop" əsasında simsiz fayl paylaşımı dövrü başlamışdı. Google, bu prosesi ilk olaraq özünün hazırladığı "Pixel 10" smartfon seriyası üçün tətbiq etdi və ilin əvvəlində sistemin 2026-cı ildə daha çox Android telefonda işlək vəziyyətə gələcəyini elan etdi.
Redaksiya məlumat verir ki, mobil prosessor istehsalçısı Qualcomm, Android-in rəsmi X hesabındakı bir paylaşım vasitəsilə bu mövzuda açıqlama verərək, hər kəsi təəccübləndirən infrastrukturun Snapdragon platformunda istifadəyə veriləcəyini və insanların bunu səbirsizliklə gözlədiyini bildirmişdi. Bu infrastrukturla bağlı açıqlama verən son şirkət isə Samsung oldu.
Samsung şirkəti, Samsung Galaxy S26 seriyası üçün yaxın zamanda "AirDrop" dəstəyinin təqdim olunacağını elan etdi. Bu dəstəyi daha sonra digər Galaxy modellərinə də gətirəcək olan Samsung, bununla da iPhone və Galaxy cihazları arasında fayl paylaşımı prosesini daha da asanlaşdıracaq. Bu yenilik, istifadəçilərə müxtəlif platformalarda cihazlar arasında faylları daha rahat və sürətli şəkildə ötürmək imkanı yaradacaq.