ABŞ prezidenti Donald Tramp Venesuelaya məxsus neft üzərində hüquqların geri alınacağını bəyan edərək, ABŞ şirkətlərinin əvvəlki illərdə ölkədən çıxarıldığını və bu hüquqların yenidən əldə edilməsinin məqsəd qoyulduğunu bildirib. Onun sözlərinə görə, Vaşinqton bu məsələdə geri addım atmaq niyyətində deyil.
Redaksiya xəbər verir ki, ABŞ prezidenti Donald Tramp Venesueladan neft və digər aktivlərin qaytarılmasını tələb edib, əks halda ölkəyə qarşı hərbi güc tətbiqinin istisna edilmədiyini vurğulayıb. O, Venesuela sahilləri yaxınlığında ABŞ-ın ən böyük donanmasının toplaşdığını və sanksiyaya məruz qalan tankerələrə qarşı tam blokada elan edildiyini açıqlayıb.
Məlumata görə, Venesuela hakimiyyəti ölkədən çıxan gəmiləri qorumaq məqsədilə dəniz müşayiət qüvvələri göndərib. ABŞ tərəfi isə bu müşayiətə qarşı tədbirlərin görülməsinə hazırlaşdığını bəyan edib.
Venesuela prezidenti Nikolas Maduro isə neft ixracının davam etdiriləcəyini və bunun “istənilən qiymətə” həyata keçiriləcəyini açıqlayıb. Tərəflər arasında artan gərginlik ABŞ və Venesuela arasında mümkün hərbi qarşıdurma ehtimalını yüksəldən əsas amil kimi qiymətləndirilir.