ABŞ kəşfiyyatına əsaslanan məlumatlarda Rusiya prezidenti Vladimir Putinin Ukraynanın bütün ərazisini ələ keçirməyi və Avropada keçmiş Sovet məkanına aid əraziləri yenidən nəzarətə götürməyi hədəflədiyi bildirilir.
Redaksiya Reuters istinadla xəbər verir ki, ABŞ kəşfiyyat hesabatlarında Moskvanın uzunmüddətli strateji məqsədlərinin yalnız Ukrayna ilə məhdudlaşmadığı, daha geniş regional ambisiyalar ehtiva etdiyi vurğulanır.
Məlumata görə, hesabatda Rusiyanın təhlükəsizlik və təsir dairəsini genişləndirmək niyyətində olduğu, bunun isə Avropa üçün ciddi geosiyasi risklər yaratdığı qeyd edilir.
Analitiklər hesab edirlər ki, bu cür qiymətləndirmələr Qərb ölkələrinin təhlükəsizlik siyasətinə və Ukraynaya dəstək strategiyasına birbaşa təsir göstərə bilər.