Tim Kukun Apple-ın baş direktoru kimi 15 illik fəaliyyəti başa çatıb və şirkətin idarəçiliyi yeni rəhbərə keçib.
Redaksiya xəbər verir ki, Kuk Apple-a Stiv Cobdan iki il daha uzun müddət rəhbərlik edib. Onun dövründə Apple Watch və AirPods bazara çıxarılıb, M seriyalı prosessorlar hazırlanıb, Apple TV+ və Apple Music xidmətləri istifadəyə verilib, iPhone Pro xətti formalaşdırılıb.
Kukun rəhbərliyi dövründə Apple-ın illik gəlirinin təxminən 108 milyard dollardan 2025-ci ildə rekord 416 milyard dollara yüksəldiyi bildirilir.
Eyni dövrdə şirkətin bazar dəyəri təxminən 350 milyard dollardan 4 trilyon dollar səviyyəsinə qədər artıb.
Apple-ın sentyabrın 9-da keçirəcəyi növbəti iPhone təqdimatı artıq Tim Kukun baş direktor olmadığı yeni mərhələnin ilk böyük məhsul tədbirlərindən biri olacaq.