Dünyanın ən böyük rəqəmsal musiqi platformalarından biri olan Spotify ilk dəfə ödənişli abunəçilərinin sayının 300 milyonu ötdüyünü açıqlayıb.
Şirkətin məlumatına görə, 2026-cı ilin ikinci rübündə aylıq aktiv istifadəçilərin sayı ötən ilin eyni dövrü ilə müqayisədə 12 faiz artaraq 777 milyona çatıb. Buna baxmayaraq, platforma müxtəlif ölkələrdə abunə haqlarını artırmasına baxmayaraq istifadəçi bazasını genişləndirməyə davam edib.
Spotify-ın ikinci rüb üzrə gəlirləri də yüksəlib. Şirkət bu dövrdə illik müqayisədə 14 faiz artımla 4,8 milyard avro gəlir əldə edib.
Platforma yalnız musiqi xidməti ilə kifayətlənməyərək fəaliyyət sahələrini genişləndirir. Spotify fitnes məzmunları, jurnal səsləndirmələri, konsert biletlərinin satışı və audiokitab xidmətləri kimi yeni istiqamətlərə də yatırım edir.
Şirkət süni intellekt texnologiyalarının tətbiqinə də xüsusi diqqət ayırır. Spotify istifadəçilərə fərdiləşdirilmiş podkastlar, süni intellekt əsaslı sual-cavab və xülasə funksiyaları təqdim edir, həmçinin yeni nəsil musiqi və səs xidmətlərini inkişaf etdirir.