Somalinin Baş naziri Hamza Abdi Barre İsrailin Somalilandı tanımasını ölkəsinin suverenliyinə birbaşa hücum kimi qiymətləndirib. O bildirib ki, İsrail rəhbərliyi bu addım əvəzinə Fələstin Dövlətini tanımalı idi və mövcud qərar regional sabitliyə zərbə vurur.
Redaksiya xəbər verir ki, İsrailin Somalilandla bağlı qərarından sonra Avropa İttifaqı Somalinin suverenliyinə və ərazi bütövlüyünə hörmət olunmasına çağırış edib. Aİ rəsmiləri məsələ ilə bağlı beynəlxalq hüququn prinsiplərinin əsas götürülməsinin vacibliyini vurğulayıblar.
Məlumata görə, Al Jazeera mənbələri Somalinin İsrailin Somalilandı tanıması ilə əlaqədar BMT Təhlükəsizlik Şurasının təcili iclasının çağırılmasını tələb etdiyini bildirib. Rəsmi Moqadişu məsələnin beynəlxalq səviyyədə müzakirə olunmasını və hüquqi qiymət verilməsini zəruri hesab edir.