İsrailin Qətərin paytaxtı Dohaya hücumu beynəlxalq reaksiyalara səbəb olub. Səudiyyə Ərəbistanı rəhbərliyi “Qətəri dəstəkləmək üçün bütün imkanların səfərbər olunacağına” dair mövqeyini açıqlayıb.
Redaksiya xəbər verir ki, Səudiyyə rəsmiləri hücumun regiondakı təhlükəsizliyi ciddi şəkildə təhdid etdiyini vurğulayaraq, Qətərin ərazi bütövlüyü və sabitliyinin qorunması üçün lazımi addımlar atmağa hazır olduqlarını bildiriblər.
Rəsmi Riyadın bəyanatında qeyd olunub ki, bölgədə sülh və sabitliyin təmin olunması üçün beynəlxalq ictimaiyyətin də məsuliyyət daşıdığı unudulmamalıdır.
Hadisə ilə bağlı digər regional dövlətlərin də yaxın vaxtlarda mövqelərini açıqlaması gözlənilir.