ABŞ Dövlət Departamentinin sözçüsü Temmi Bryus Rusiyaya qarşı mümkün sanksiyalarla bağlı vacib açıqlama verib. O bildirib ki, Prezident Tramp tərəfindən elan olunan 50 günlük möhlət qəti bir son tarix kimi qiymətləndirilməməlidir.
Redaksiya xəbər verir ki, Temmi Bryusun sözlərinə görə, bu müddət “imkanlar pəncərəsi” kimi nəzərdən keçirilir və qarşıdakı danışıqların gedişatından asılı olaraq dəyişikliklərə yol aça bilər. O vurğulayıb ki, vəziyyət dinamikdir və yalnız iki gün ərzində belə, dialoqun irəliləyişi şəraitə ciddi təsir göstərə bilər.
“Prezident imkanlardan danışır – bu, onun liderliyinin vacib tərəfidir. Danışıqlar aparılan tərəflər anlamalıdırlar ki, alternativlər mümkündür. Amma bu, onun nəzərə aldığı yeganə amil deyil. O, dəfələrlə baş verənlərdən və Rusiyanın seçdiyi yoldan narazı olduğunu ifadə edib”, – deyə Bryus əlavə edib.
Sevinc Kərimova