Avropa İttifaqının (Aİ) Rusiyaya qarşı yeni sanksiyalar tətbiq etməsi, Moskvadan sərt reaksiya ilə qarşılandı. Rusiya Xarici İşlər Nazirliyi tərəfindən verilən açıqlamada, bu addımın "qanunsuz" və "düşmənçilik" xarakteri daşıdığı vurğulanıb.
Redaksiya məlumat verir ki, Rusiyanın bu addıma cavabı gecikməyib. Rusiya tərəfi, Avropa İttifaqının Rusiyaya qarşı siyasətinə uyğunlaşan Avropa qurumları, Aİ üzv ölkələri və bəzi Avropa dövlətlərinin nümayəndələrini əhatə edən sanksiya siyahısını əhəmiyyətli dərəcədə genişləndirib. Bu siyahıda olan şəxslərin Rusiyaya girişi qadağan edilib.
Açıqlamada, hüquq-mühafizə orqanları, dövlət və ticarət təşkilatlarının əməkdaşları, eləcə də Aİ üzv ölkələri və bəzi Qərb ölkələrinin vətəndaşlarının siyahıya daxil edildiyi bildirilib. Bu şəxslərin Rusiyaya qarşı hərəkətlərdə iştirak etdiyi və Ukraynanı dəstəklədiyi qeyd olunub. Rusiya Xarici İşlər Nazirliyi, Avropa İttifaqının 23 oktyabr tarixində Rusiyaya qarşı 19-cu sanksiya paketini təsdiqlədiyini xatırladıb. Sanksiya siyahısına daxil edilən şəxslərin sayı barədə məlumat verilməyib.