Qırğızıstan hakimiyyəti Rusiyaya qarşı Qərb sanksiyalarından yayınmaqda şübhəli bilinən bir sıra şirkətlərin fəaliyyətini dayandırıb.
Redaksiya xəbər verir ki, bunu Qırğızıstan Baş nazirinin müavini Daniyar Amangeldiyev açıqlayıb.
Onun sözlərinə görə, məhdudiyyətlər əsasən topdansatış, nəqliyyat və logistika sahəsində fəaliyyət göstərən şirkətləri əhatə edir.
Bişkek bu addımı ölkənin beynəlxalq öhdəliklərinə əməl etməsi və Qırğızıstan ərazisinin sanksiyalardan yayınma marşrutu kimi istifadə olunmasının qarşısını almaqla izah edir.
Qərb ölkələri son aylarda Mərkəzi Asiya üzərindən Rusiyaya ikili təyinatlı malların və sanksiyaya düşən məhsulların daşınması ilə bağlı narahatlıqlarını artırıb.
Ekspertlər hesab edirlər ki, Qırğızıstanın bu qərarı həm Qərblə münasibətləri qorumaq, həm də ölkəyə qarşı ikinci dərəcəli sanksiyalar riskini azaltmaq məqsədi daşıyır.