Fransa Prezidenti Emmanuel Makron son aylarda Hörmüz boğazından yan keçən alternativ enerji ixrac marşrutlarının tapılması hesabına təzyiqin müəyyən qədər azaldıldığını bildirib.
Redaksiya xəbər verir ki, Makron alternativ marşrutlar sırasında Səudiyyə Ərəbistanının Şərq-Qərb neft kəmərini xüsusi qeyd edib. Onun sözlərinə görə, bu xətt Hörmüz boğazından yan keçərək enerji ixracının davam etdirilməsinə imkan verib.
Fransa Prezidenti əlavə edib ki, sözügedən kəmər də son dövrdə hücumların hədəfinə çevrilib. Bu isə alternativ ixrac imkanlarının təhlükəsizliyi ilə bağlı əlavə narahatlıq yaradıb.
Makron hazırda regionda dəniz daşımalarının səviyyəsinin kifayət qədər aşağı olduğunu bildirib. Onun sözlərinə görə, mövcud təhlükəsizlik vəziyyəti enerji nəqli və beynəlxalq ticarət marşrutlarına ciddi təzyiq göstərməkdə davam edir.