Kreml rəsmi şəkildə açıqlayıb ki, Rusiya Prezidenti Vladimir Putin İstanbulda keçirilməsi planlaşdırılan sülh görüşmələrinə qatılmayacaq. Bu barədə Rusiya hökuməti məlumat yayıb.
Redaksiya xəbər verir ki, Putini bu danışıqlarda Rusiya Prezident Administrasiyasının sabiq müşaviri və tanınmış siyasətçi Vladimir Medinskiy təmsil edəcək. Medinskiy Rusiya nümayəndə heyətinə rəhbərlik edəcək və müzakirələrin əsas iştirakçılarından biri olacaq.
Qeyd edək ki, Vladimir Medinskiy 2022-ci ildə də Rusiya ilə Ukrayna arasında keçirilən sülh danışıqlarında Moskvanın baş danışıqlarçısı olmuşdu. Onun bu dəfə də görüşlərə rəhbərlik etməsi Moskvanın danışıqlara müəyyən sabitlik və əvvəlki təcrübəni daşımaq istədiyini göstərir.
İstanbul görüşünün Rusiya-Ukrayna münaqişəsində diplomatik barışa yol aça biləcəyinə ümid edilir.
Sevinc Kərimova