ABŞ prezidenti Donald Trampın mətbuat katibi Kerolayn Livitt, Macarıstanın baş naziri Viktor Orbanın diqqətçəkən təklifi ilə medianın gündəminə düşüb. Hadisə Trampın iştirakı ilə keçirilən görüş zamanı qeydə alınıb.
Redaksiya xəbər verir ki, görüş zamanı Tramp zarafatla Livittə müraciət edərək deyib: “Kerolayn, Orban səni öz yanında çalışdırmaq istəyir… Xahiş edirəm, bizi tərk etmə.” Trampın bu ifadəsi zalda gülüş doğursa da, müşahidəçilər Orbanın təklifinin simvolik olsa belə, diplomatik mesaj daşıdığını bildirir.
Kerolayn Livitt hazırda Ağ ev administrasiyasının Mətbuat katibidir və kommunikasiya xəttinin formalaşdırılmasında əsas fiqurlardan biri kimi çıxış edir. Analitiklərə görə, Orbanın bu jesti Vaşinqton ilə Budapeşt arasında siyasi dialoqun yeni mərhələyə keçdiyini göstərən siqnal kimi qiymətləndirilə bilər.