İsveç hökuməti Ukraynaya göstərilən mülki yardımın genişləndirilməsi məqsədilə 120 milyon dollar ayıracağını bəyan edib. Vəsaitin əsas hədəfi ölkənin qış mövsümündə artan ehtiyaclarını qarşılamaqdır.
Redaksiya xəbər verir ki, ayrılan maliyyə elektrik təchizatının bərpası, dağıdılmış infrastrukturun təmiri, institusional islahatların dəstəklənməsi və səhiyyə sahəsində təxirəsalınmaz ehtiyacların qarşılanmasına yönəldiləcək.
Hökumət rəsmiləri bildiriblər ki, Ukraynanın yaşayış və sosial infrastrukturunda yaranmış ciddi fəsadlar qış aylarında əlavə risklər yaradır və bu yardım paketi həmin risklərin azaldılmasına xidmət edəcək. İsveç tərəfi həmçinin uzunmüddətli sabitliyin təmin olunması üçün humanitar və inkişaf layihələrinə dəstəyin davam etdiriləcəyini vurğulayıb.