İran Silahlı Qüvvələrinin müharibə aparan bölməsi olan Hatəmül-Ənbiya Mərkəzi Qərargahı tərəfindən verilən yazılı açıqlamada, ABŞ-ınin "Gerald Ford" təyyarədaşıyan gəmisinin Qırmızı dənizdəki mövcudluğunun İrana qarşı təhdid kimi qiymətləndirildiyi bildirilib. Bu səbəbdən, Qırmızı dənizdəki adı çəkilən gəmi qrupunun logistika və xidmət mərkəzlərinin İran silahlı qüvvələrinin hədəfləri olaraq qəbul edildiyi qeyd olunub.
Redaksiya mənbəyə istinadən xəbər verir ki, ABŞ Mərkəzi Qüvvələr Komandanlığı (CENTCOM) martın 12-də yaydığı açıqlamada USS Gerald R. Ford təyyarədaşıyan gəmisində yanğın baş verdiyini elan etmişdi. Açıqlamada, baş verən yanğının "döyüş əməliyyatları ilə əlaqəli olmadığı" ifadə edilmişdi.
Daha sonra yayımlanan peyk görüntülərində gəminin Qırmızı dənizdə, Ciddə limanı yaxınlığına gəldiyi müşahidə olunub. Bu hadisələr fonunda İranın mövqeyi regionda gərginliyin artması ehtimalını gündəmə gətirir.