Türkiyə Prezidenti Rəcəb Tayyib Ərdoğan Yunanıstanla münasibətlərin daxili siyasi mübarizə və seçki kampaniyalarında istifadə edilməməli olduğunu bildirib. O, Türkiyənin Yunanıstanın düşməni deyil, qonşusu və NATO çərçivəsində müttəfiqi olduğunu vurğulayıb. Bu barədə Türkiyə mediası məlumat yayıb.
Redaksiya istinadla xəbər verir ki, Ərdoğan iki ölkə arasındakı münasibətlərin olduqca həssas və mühüm olduğunu, buna görə də onların seçki materialına çevrilməsinin düzgün olmadığını deyib.
Türkiyə Prezidenti bildirib ki, Ankaranın Yunanıstanın daxili siyasətinə qarışmaq niyyəti yoxdur. Onun sözlərinə görə, Yunanıstanda seçkilərin keçirilməsi, hökumətin və ya müxalifətin dəyişməsi Türkiyənin maraq dairəsinə daxil deyil.
Ərdoğan qeyd edib ki, Türkiyə üçün əsas məsələ ölkənin hüquq və təhlükəsizliyinin qorunması, həmçinin Egey və Şərqi Aralıq dənizində sabitliyin təmin edilməsidir. O, Ankara ilə Afina arasındakı fikir ayrılıqlarının qarşılıqlı dialoq çərçivəsində həll olunmasının vacibliyini vurğulayıb.