Türkiyə prezidenti Rəcəb Tayyib Ərdoğan Ukrayna ilə bağlı mümkün sülh danışıqları barədə açıqlama verib.
Redaksiya CNN Türk-ə istinadən xəbər verir ki, Ərdoğan Trampın bu prosesə şəxsən qoşulmaq niyyətində olduğunu təsdiqləyib:
“Donald Tramp açıq şəkildə bildirdi ki, əgər Vladimir Putin də həmin görüşdə iştirak edərsə, o zaman özü də Türkiyəyə gəlməyə hazırdır.”
Ərdoğanın sözlərinə görə, hazırda Ankara Rusiya və Ukrayna ilə üçüncü raund sülh danışıqlarının təşkili üçün təmasları davam etdirir.
Türkiyə lideri əlavə edib:
“Bizim əsas məqsədimiz Ukrayna ilə bağlı prosesin dövlət başçıları səviyyəsində birbaşa görüş şəklində baş tutmasıdır.”
Sevinc Kərimova