Böyük Britaniyanın Baş naziri Endi Börnhem ölkəsinin Avropa İttifaqından çıxmasını nəzərdə tutan Brexit prosesini tənqid edərək bunun Avropanın zəifləməsinə və Rusiyanın maraqlarına xidmət etdiyini bildirib.
Redaksiya xəbər verir ki, Börnhem Brexit-in Böyük Britaniya ilə Avropa ölkələri arasında münasibətlərə mənfi təsir göstərdiyini və beynəlxalq səviyyədə təcridçilik meyillərini gücləndirdiyini vurğulayıb.
“Bizimlə köhnə dostlarımız və qonşularımız arasındakı körpülər yandırılıb. Brexit qlobal miqyasda təcridçilik və proteksionizmə doğru atılan ilk addım idi”, – deyə Britaniyanın Baş naziri bildirib.
Börnhem bu prosesin Qərb ölkələri arasında birliyə zərbə vurduğunu və Rusiyanın strateji maraqlarına uyğun olduğunu iddia edib.
“Düşmənlərimizin istədiyi də məhz bu idi. Rusiya NATO daxilində parçalanma və daha zəif Avropa istəyirdi”, – deyə o vurğulayıb.
Britaniya hökumətinin başçısı bu fikirləri Londonda keçirilən Lord-merin ənənəvi ziyafətində xarici siyasət və Avropa ilə münasibətlərə dair çıxışı zamanı səsləndirib.
