Azərbaycanda fəaliyyət göstərən Qaia rəqəmsal platforması şirkətlərin satınalma və təchizat proseslərini vahid sistemdə birləşdirərək bizneslər arasında əməkdaşlıq imkanlarını genişləndirir. Hazırda platformada alıcı qismində 120 şirkət və fiziki şəxs, satıcı qismində isə 440 şirkət təmsil olunur. Qaia üzərindən həyata keçirilən satınalmaların ümumi dövriyyəsi 4 milyon manatı ötüb.
Redaksiya məlumat verir ki, Qaia alıcılarla təchizatçıları bir araya gətirən B2B (biznesdən-biznesə) platformasıdır. Sistem şirkətlərə məhsul və xidmət ehtiyaclarına uyğun satınalma sorğuları yerləşdirmək, təchizatçılara isə potensial müştərilərə kommersiya təklifləri təqdim etmək imkanı yaradır.
Platformanın əsas məqsədi satınalma proseslərini daha sistemli təşkil etmək, uyğun təchizatçıların tapılmasını asanlaşdırmaq və şirkətlər arasında yeni biznes əlaqələrinin qurulmasına dəstək verməkdir.
Qaia vasitəsilə alıcılar ehtiyac duyduqları məhsul və xidmətlər üzrə sorğular yarada, daxil olan təklifləri nəzərdən keçirərək uyğun tərəfdaşları müəyyənləşdirə bilərlər. Təchizatçılar isə platformada təqdim olunan satınalma tələbləri ilə tanış olmaqla yeni müştərilərə çıxış əldə edə və fəaliyyət sahələrinə uyğun əməkdaşlıq imkanlarını qiymətləndirə bilirlər.
Məlumata görə, indiyədək Qaia platformasında 1000-dən çox satınalma sorğusu (RFQ) yerləşdirilib. Satınalmaların ümumi dövriyyəsinin 4 milyon manatı keçməsi platforma üzərindən həyata keçirilən biznes əməliyyatlarının miqyasını göstərir.
Qaia-nın inkişaf strategiyasında daha çox şirkətin platformaya cəlb edilməsi, satınalma kateqoriyalarının genişləndirilməsi və istifadəçi təcrübəsinin təkmilləşdirilməsi nəzərdə tutulur.
Layihənin uzunmüddətli hədəfi şirkətlərin satınalma ehtiyaclarını uyğun təchizatçı təklifləri ilə əlaqələndirən, biznes tərəfdaşlıqlarının qurulmasını və inkişafını dəstəkləyən geniş rəqəmsal B2B ekosistemi formalaşdırmaqdır.
Platforma satınalma və təchizat proseslərinin müxtəlif kanallar əvəzinə vahid rəqəmsal mühitdə idarə olunmasını təmin etməklə bizneslər üçün daha sistemli əməkdaşlıq mexanizmi təqdim etməyi hədəfləyir.
Qaia platforması haqqında ətraflı məlumatı www.qaia.az saytından əldə etmək mümkündür. Əməkdaşlıq imkanları ilə bağlı +994 51 562 27 39 telefon nömrəsi və ya info@qaia.az elektron poçt ünvanı vasitəsilə əlaqə saxlamaq olar.
Platformanın mobil tətbiqini App Store və Google Play üzərindən yükləmək mümkündür.