Anthropic Claude ailəsinin yeni Fable 5.1 modelini təqdim edib. Şirkətin məlumatına görə, model bir sıra yeni və qapalı bençmarklarda əvvəlki versiyadan daha yüksək nəticələr göstərir.
Redaksiya xəbər verir ki, yenilənmənin əsas dəyişikliklərindən biri keşdən məlumat oxuma xərclərinin 75 faiz azalmasıdır. Ssenaridən asılı olaraq bunun bir tapşırığın ümumi həll xərcini təxminən 25–45 faiz azaltması gözlənilir.
Anthropic Fable 5.1 üçün Enterprise Frontier Safeguards adlı yeni mexanizm də təqdim edir. Bu yanaşmada şirkətin təhlükəsizlik klassifikatorları və analiz sistemləri müştərinin öz infrastrukturunda işləyəcək, Anthropic isə sorğuların məzmununu öz serverlərində saxlamayacaq. Bu, məlumatların saxlanmamasını tələb edən korporativ müştərilər üçün xüsusi əhəmiyyət daşıyır.
Yeni model elmi tapşırıqlar, xüsusilə biologiya sahəsi üçün də optimallaşdırılıb. Bundan əlavə, Fable 5.1-in daha aydın və strukturlaşdırılmış cavablar verməsi, mürəkkəb terminlərin həddən artıq sıx istifadəsini azaltması hədəflənib.
Relizlə yanaşı, istifadəçilər üçün bəzi istifadə limitlərinin də sıfırlandığı bildirilir.