Albaniyada minlərlə insan İvanka Tramp və Cared Kuşnerlə əlaqələndirilən 1,4 milyard dollarlıq lüks kurort layihəsinə qarşı etiraz aksiyası keçirib.
Redaksiya xəbər verir ki, layihənin Pişe Poro-Narta adlı qorunan bataqlıq ərazidə inşa edilməsi planlaşdırılır.
Etirazçılar bu ərazinin ekoloji baxımdan həssas olduğunu və böyük tikinti layihəsinin təbiətə ciddi zərər vura biləcəyini bildirirlər.
Aksiya iştirakçıları hökuməti xarici investisiya adı altında qorunan əraziləri kommersiya maraqlarına açmaqda ittiham ediblər.
Nümayişçilər “Albaniya satılmır” şüarı ilə hökumətə mesaj veriblər.
Layihənin tərəfdarları isə kurortun ölkəyə investisiya, turizm gəliri və yeni iş yerləri gətirəcəyini bildirirlər.
Məsələ Albaniyada xarici sərmayə, ekoloji mühafizə və sahilyanı ərazilərin gələcəyi ilə bağlı ciddi ictimai müzakirə yaradıb.