Ukrayna prezidenti Volodimir Zelenski bəyan edib ki, Ukrayna və Türkiyənin iştirakı olmadan Avropa Rusiyanın hərbi gücü ilə müqayisə oluna bilməz. O, bu fikri "The Rest Is Politics" podkastında ABŞ-ın NATO-dan mümkün çıxışını şərh edərkən dilə gətirib.
Redaksiya xəbər verir ki, Zelenski Böyük Britaniya, Ukrayna, Türkiyə və Norveçi Avropanın tərkib hissəsi olan dörd güclü ölkə kimi qeyd edib. O vurğulayıb ki, Böyük Britaniya, Ukrayna və Türkiyənin birləşmiş orduları Rusiyanın ordusundan daha güclüdür.
Prezidentin sözlərinə görə, bu dörd ölkənin birgə səyləri ilə dənizlərə nəzarət etmək, səmanı etibarlı şəkildə qorumaq və ən böyük quru qüvvələrinə malik olmaq mümkündür. Bu açıqlama regional təhlükəsizlik və Avropanın müdafiə potensialı ilə bağlı müzakirələr fonunda xüsusi əhəmiyyət kəsb edir.