Rusiya Xarici İşlər Nazirliyi Yaponiya ilə dialoqun bərpası üçün Tokioya görüş təklif etmədiyini açıqlayıb.
Redaksiya məlumat verir ki, Rusiya XİN sözçüsü Mariya Zaxarova Moskvanın Yaponiya nümayəndələri ilə görüş təşəbbüsü irəli sürmədiyini və Tokiodan da belə bir təklif almadığını bildirib.
Zaxarova Yaponiyanın Rusiyanın onunla əlaqə qurmağa çalışdığına dair açıqlamalarını “absurd” adlandırıb. Onun sözlərinə görə, mövcud vəziyyətə görə məsuliyyət Qərbin sanksiyalarına qoşulan Yaponiya tərəfinin üzərinə düşür.
Rusiya diplomatı bildirib ki, münasibətlərin bərpası üçün ilk addımı Tokio atmalıdır. Moskva Yaponiyanın Rusiyaya qarşı sanksiya siyasətini yenidən nəzərdən keçirməli olduğunu vurğulayır.
Rusiya və Yaponiya münasibətləri Ukrayna müharibəsindən sonra kəskin şəkildə pisləşib. Tokio Rusiyaya qarşı Qərb sanksiyalarına qoşulub, Moskva isə buna cavab olaraq ikitərəfli dialoqu və sülh müqaviləsi üzrə danışıqları dayandırıb.