Almaniya kansleri Fridrix Merts Hörmüz boğazının təhlükəsiz və davamlı şəkildə yenidən açılmasının vacibliyini bildirib. O, həmçinin İranın hərbi nüvə proqramına son qoymalı olduğunu vurğulayıb.
Redaksiya xəbər verir ki, Merts Hörmüz boğazında təhlükəsizliyin təmin edilməsini və su yolunun fəaliyyətinin bərpasını zəruri hesab etdiyini açıqlayıb.
“Hörmüz boğazı davamlı və təhlükəsiz şəkildə yenidən açılmalıdır. Tehran həmçinin hərbi nüvə proqramına son qoyduğunu sübut etməlidir”, – deyə Almaniya kansleri bildirib.
Merts açıqlamasında İranın hərbi nüvə fəaliyyəti ilə bağlı yalnız bəyanatlarla kifayətlənməməli olduğunu, proqramın dayandırılmasının sübutlarla təsdiqlənməsinin vacibliyini vurğulayıb.
Almaniya kansleri Hörmüz boğazının açılması və İranın nüvə proqramı ilə bağlı tələblərin yerinə yetirilməsi üçün konkret mexanizmlər barədə əlavə məlumat verməyib.
