İnternetdə yayılan məlumatlara görə, yeni süni intellekt agenti Lessie hər hansı şəxsi bir neçə saniyə ərzində tapmaq imkanına malikdir və bu, məxfilik baxımından ciddi narahatlıq doğurur. Bildirilir ki, agent bütün açıq mənbələri — sosial şəbəkələr, xəbər saytları, YouTube və TikTok daxil olmaqla — sürətlə yoxlayaraq, şəxslərin adını, iş yerini, əlaqə məlumatlarını və hətta onlayn son görünmə vaxtını dəqiqliklə təqdim edə bilir.
Redaksiya xəbər verir ki, Lessie-nin xüsusiyyətləri arasında coğrafi mövqeni dərhal müəyyənləşdirmək, eyni vaxtda bir neçə şəxsi izləmək, əvvəlcədən hazırlanmış promplar və müxtəlif istifadə ssenariləri də yer alır. İddialara görə, bu alət hazırda qapalı beta mərhələsindədir və gözləmə siyahısına qoşulmaq mümkündür.
Mütəxəssislər belə texnologiyaların məxfilik və təhlükəsizlik baxımından ciddi risklər daşıdığını qeyd edirlər. Belə iddialar şəxsi məlumatların qorunması və hüquqi tənzimləmələrin vacibliyini bir daha gündəmə gətirir.