Hörümçək Adam: Yeni Gün filminin dünya üzrə kassa gəlirlərinin 2 milyard dollar həddini keçdiyi bildirilir. Bununla da ekran işi bu göstəriciyə çatan ilk solo superqəhrəman filmi olub. Bu barədə ComicBookMovie məlumat yayıb. 0
Redaksiya istinadla xəbər verir ki, Tom Hollandın baş rolda çəkildiyi film nümayişinin ilk həftələrindən rekord sürətlə gəlir əldə edib. Film daha əvvəl 2026-cı ilin ən çox gəlir gətirən ekran işi olmuş və əvvəlki Hörümçək Adam filmlərinin nəticələrini geridə qoymuşdu.
Hörümçək Adam: Yeni Gün 2 milyard dollarlıq nəticə ilə bütün zamanların ən çox gəlir gətirən filmləri sırasında yüksəlməyə davam edir. Bununla belə, filmin hazırda ilk beşlikdə yer alması barədə yayılan məlumat dəqiq deyil. 2 milyard dollarlıq göstərici ilə ekran işi hələ Titanik, Avatar, Avengers: Endgame və digər bir neçə filmin ümumi kassa gəlirindən geri qalır.
Filmin yekun prokat nəticəsinin daha da artacağı gözlənilir. Daha əvvəl analitiklər ekran işinin dünya üzrə ümumi gəlirinin təxminən 2,2 milyard dollara çata biləcəyini proqnozlaşdırmışdılar.