Fövqəladə Hallar Nazirliyi (FHN) vətəndaşların nazirliyə müraciətlərinin daha da asanlaşdırılması, vətəndaş məmnunluğunun və xidmətlərin rəqəmsallaşdırılmasının təmin edilməsi məqsədilə növbəti addım atıb.
Bu barədə nazirliyin mətbuat xidmətindən məlumat verilib.
Bildirilib ki, vətəndaşların FHN-ə və nazirliyin müvafiq qurumlarına müraciətlərinin elektron qaydada təqdim olunması məqsədilə “mygov” platforması üzərindən də müraciət göndərilməsi imkanı yaradılıb.
Vətəndaşlar “mygov” platformasında "Dövlət qurumlarına rəsmi məktub" bölməsi vasitəsilə FHN-i və ya nazirliyin müvafiq alt qurumunu seçərək elektron müraciətlərini ünvanlaya bilərlər.
Müraciətin nəticəsi üzrə FHN tərəfindən hazırlanmış rəsmi cavab “mygov” platforması üzərindən vətəndaşın şəxsi kabinetinə göndərilir.
Vətəndaşlar “mygov” üzərindən FHN-ə müraciət edə biləcəklər
Aytac Dəniz · Cəmiyyət ·